Зијадин Села побарал од лидерот на ДУИ, Али Ахмети работни групи на ДУИ и Алијансата на Албанците да составуваат предлог закон за јазици поради тоа што не му бил доволно добар предлогот кој Ахмети го испрати до лидерот на СДСМ, Зоран Заев, дознава неофицијално А1он.
Зијадин Села денеска по средбата со Ахмети рече дека ќе побара да се отвори Уставот бидејќи тој треба да претрпи промени, иако Заев изјави дека нема да има компромис за нешто што е надвор од Уставот.
Изворот на А1он од СДСМ вели дека и законот за јазици кој го предложил Ахмети бил многу ригорозен и дека партијата стои на ставот дека тие немаат намера да го менуваат Уставот бидејќи тој е доволно добар за сите граѓани во Македонија.