Европската Унија се надева на нова реформска Влада која ќе се фокусира на отчетноста и одговорноста, како и поддршка на Специјалното јавно обвинителство, рече амбасадорот на Холандија во Македонија, Ваутер Пломп.
– Ќе го повторам тоа што го кажа комесарот Јоханес Хан како претставник на ЕУ, а тоа е дека нема време за губење. Зависи од политичарите во Македонија да одлучат за иднината на нивната земја. Ние како ЕУ се надеваме дека ќе има реформски ориентирана Влада и која ќе биде целосно фокусирана на спроведување на реформите, особено на реформите во областа на владеењето на правото и во другите области кои се битни за вашата земја, рече Пломп.
Тој истакна дека Холандија е долгорочен поддржувач на Македонија и на Владата кога станува збор за процесот и сите реформи кои се потребни за членувањето во ЕУ.
Александар Тодески