Кремљ не го смета Иран за терористичка држава и планира да развива односи со таа земја, изјави денеска портпаролот на претседателот на Русија, Дмитриј Песков.
Изразувајќи несогласување со изјавата на американскиот претседател Доналд Трамп дека Иран „е терористичка држава број еден“, која ја даде за Фокс њуз Песков рече: „Не се согласувам со тоа тврдење. Сите знаете дека Русија има добри односи со Иран и со таа земја да соработуваме по многу прашања“.
Тој додаде и дека иако Русија и САД имаат различни ставови за некои меѓународни прашања, тоа не би требало да биде препрека за развој на меѓусебните односи.
Американскиот министер за одбрана Џејмс Матис изјави минатата недела дека Иран е „најголем поединечен државен спонзор на тероризам на светот“.