За неколку дена Израел ќе започне „значителна одмазда“ на вчерашниот ирански ракетен напад, пишува американскиот информативен сајт Аксиос.
Според порталот Аксиос, кој е добро поврзан со израелски и американски безбедносни извори, цел би можеле да бидат иранските капацитети за производство на нафта.
Израелскиот премиер Бенјамин Нетанјаху изјави дека Иран направил „голема грешка“ со својот напад и дека „ќе плати за тоа“.
Ситуацијата на Блискиот Исток врие, а за денеска е закажана итна седница на Советот за безбедност на ОН.
Потсетуваме дека во текот на ноќта Иран изврши ракетен напад врз Израел. Прочитајте повеќе за тоа во нашиот блог.