Соединетите Американски Држави воведуваат нови санкции против 13 поединци и 12 ентитети од Иран, ден откако Белата куќа упати предупредување до Иран заради тестирањето на балистички ракети.
Американското министерство за финансии во соопштение на нивната веб страница ги објави имињата на поединците и ентитетите на кои им воведуваат санции, а некои од нив се наоѓаат во Обединетите Арапски Емирати, Либан и Кина.
Ова е прв потег кој претседателот Доналд Трамп го повлекува против Иран, а овие санцкии се со слична мерка како сакнциите на претходниот претседател, Барак Обама.
Новите одредби се однесуваат на подрачјата кои останаа под санкции дури и откако на сила стапи нуклеарниот договор од 2015. година.
„Денешниот цел на министерството за финансии е дел од трајните обиди за спротивставување на овие ирански активности кои не се опфатени со нуклеарниот договор“ објави министерстовото.
Меѓу санкционираните се наоѓаат фирми, поединци и брокери за кои министерството тврди дека ја поддржуваат мрежата која ја води иранскиот бизнисмен Абдулах Асгарзадех.
Американците веруваат дека тој ја поддржува иранската ракетна програма.
Министерството воведе санкции и над мрежата во Либан која ја води Иранската револуционерна гарда, елитно воено тело со големо влијание во иранската политика и економија.
Според американската администрација овие санцкии се само првиот чекор со кој одговараат на иранското провокативно однесување.