Американскиот претседател Доналд Трамп смета дека Иран се повеќе и повеќе ја презема контролата врз Ирак и покрај огромните средства што Вашингтон ги вложи во оваа земја, пренесе ТАСС.
„Иран брзо го презема Ирак, се повеќе и повеќе, па дури и откако САД таму потрошија над три билиона долари. Тоа одамна е очигледно!“, напиша Трамп на Твитер.
Советникот на Трамп за национална безбедност, Мајкл Флин, на редовен брифинг со новинарите, изјави дека САД го истражуваат иранското тестирање на балистички ракети и сметаат дека ваквите дејствија ја поткопуваат стабилноста и безбедноста во регионот, поради што кон Иран упатуваат официјално предупредување. Претставници на Белата куќа, на крајот, изјавија дека проучуват широк спектар од можни соодветни мерки.