Високиот комесар на ОН за бегалци Филипо Гранди истакна дека во текот на 120 денови, за колку американскиот претседател Доналд Трамп го суспендираше спроведувањето на Програмата на САД за прием на бегалци, околу 20.000 лица ќе бидат во неизвесност за влез во САД.
Од канцеларијата на Гранди е соопштено дека тој е „длабоко загрижен за неизвесноста“ со која се соочуваат илјадници бегалци кои во моментов се во постапка за преселба во САД.
УНХЦР наведе дека само во текот на оваа недела било планирано 800 бегалци да пристигнат во САД.
Агенцијата наведе дека бројката од 20.000 бегалци дошла со анализа на просечните месечни податоци од последните 15 години.