Советот за безбедност на ОН денеска ќе има вонредно заседание на кое ќе го разгледа тестирањето на балистичката ракета од страна на Иран, јавија француските медиуми.
Седницата на СБ на ОН беше свикана на иницијатива на САД.
Претходно вчера на итна реакција од Советот за безбедност на ОН заради активностите на Иран инсистираше и Израел.
Синоќа неколку светски агенции соопштија дека Иран во неделата извршил пробно лансирање на ракета со среден дострел од полигон на 225 километри источно од Техеран.
ТАСС потсети дека резолуцијата 2231 на Советот за безбедност на ОН од 20 јули 2015 година го повикува Иран да не спроведува вакви тестирања.