Портпаролот на ДУИ, Бујар Османи ги отфрли како што рече „сите шпекулации“ за било каков договор во партијата и рече дека се уште се далеку од согласност за коалицирање со ВМРО-ДПМНЕ.
Тој кажа дека потпретседателите и пратениците од ДУИ ги разгледуваат сите можности за коалиција со една од партиите, односно ВМРО-ДПМНЕ или СДСМ и дека на маса се сите предлози „за“ и „против“ коалиција со ВМРО-ДПМНЕ.
Османи не сакаше да коментира за тоа дали би се откажале од партиските ставови за СЈО доколку прифатат коалиција со ВМРО-ДПМНЕ и рече дека се надева дека вечерва ќе излезат со договор.
