„Почитувани припадници на Српската заедница во Република Македонија,
Годинешната прослава е десетта и јубилејна прослава на овој празник во Република Македонија. Десет години од моментот кога по иницијатива на ВМРО-ДПМНЕ, а со поддршка на претставниците на српската заедница, заеднички решивме да го установиме овој празник и за прв пат во нашата современа историја како држава и Србите да добијат свој официјален празник и датум за прослава.
Симболиката на овие празници е пред се во нашето заедничко почитување, како и почитувањето и зближувањето меѓу граѓаните. Блискоста на луѓето со генерации наназад се гледала преку духот на празнувањето. Така нека биде и во иднина! Тоа нека биде и порака до следните генерации, порака за заедништво, почит и силна меѓусебна соработка.
Чествувањето на денешниот празник е доказ дека покрај меѓусебното почитување и заедничко празнување, како во изминатите години, така и во иднина, ќе продолжиме заеднички да работиме за напредок во секое поле од интерес на нашите граѓани и со цврста волја постојано ќе се вложуваме за доброто на нашата држава, за стабилна и просперитетна Република Македонија.
Нека е честит големиот празник“, се вели во честитката на ВМРО-ДПМНЕ