Фудбалскиот шампион на Македонија, екипата на Вардар в сабота на 21 јануари заминува на подготовки во Анталија, Турција. „Црвено-црните“ таму ќе одиграат пет пријателски натпревари, а веќе се познати и противниците.
Вардарци ќе „отворат“ на 24 јануари со меч против некогашниот европски првак Стеауа Букурешт. Вториот тест е четири дена подоцна против рускиот прволигаш Амкар Перм, а потоа на 2 февруари ќе се одмерат силите со Дукла Прага од Чешка. Претпоследниот пријателски меч ќе биде против уште еден руски тим Анжи (5 февруари), а после четири дена серијата на пријателски мечеви се затвора со натпревар против Терек Грозни.
Вардарци во Анталија остануваат до 11 февруари за кога е планирано да се вратат во Скопје. Во моментов екипата се подготвува на тренинг кампот во Скопје.