Едноставен рецепт за вкусни и фини лигњи од рерна, прелиени со вино и зачинети со медитерански зачини …
Потребно е:
1 кг компири
800 гр лигњи
2 главици кромид
1-2 чешниња лук
околу 20 гр палента (1-2 шаки)
150 мл бело вино
100 мл вода
маслиново масло
сол, бибер
оригано, мајчина душичка, рузмарин или други зачини по желба
Подготовка:
– Излупете ги компирите и ако се поголеми исечете ги на тркалца, а ако се помали оставете ги цели. Ставете ги во еден поголем сад, зачинете ги, полијте со маслиново масло, посипете со палента и убаво измешајте.
– Кромидот исечете го на тенки ленти и додадете го во комирите. Истото направете го и со лукот.
– Сега компирите и кромидот и лукот пресипете ги во голема тава.
– Лигњите посебно зачинете ги со зачини по желба и наредете ги над компирите. Полијте со вино и вода.
– Тавата покријте ја со алуминиумска фолија и ставете ја во загреана рерна на 200 целзиусови степени околу 45 минути.
– По 45 минути тргнете ја фолијата и оставете да се запече се додека не добие убава златно румена боја.
– Послужете ги топли полеани со сосот од кромид и зачини од тавата.