Фина богата чоколадна торта, вистинско уживање за сладокусците …
Потребно е:
за бисквитното тесто:
6 јајца
160 гр шеќер
1 ванилин шеќер
160 гр темно чоколадо
140 гр путер
100 гр брашно
1 прашок за пециво
за кремот:
500 гр маскарпоне сирење
500 гр чоколаден крем Нутела
300 гр пржени лешници
Подготовка:
– Кружен калап за торта со дијаметар од 24-26 см обложете го на дното со хартија за печење, а страните намастете ги цели со путер.
– Одвоите ги белките од жолчките. Рерната загрејте ја на 100 целзиусови степени.
– Изматете ги белките во густ шлаг. Жолчките изматете ги пенесто со шеќерот и со ванилиниот шеќер.
– Во сад на рингла растопете ги чоколадото и путерот и веднаш додадете ги изматените жолчки. Повторно изматете.
– Потоа додадете ги брашното и прашокот за пециво и уште еднаш кратко изматете.
– На крај додадете ги и изматените белки и полека измешајте со шпатула или дрвена лажица за да се спојат сите состојки.
– Смесата за бисквитот сипете ја во калапот и ставете да се пече во загреаната рерна 20 минути. Потоа зголемете ја температурата на 150 степени и печете ја уште 30 минути. Проверете со чепкалка за заби дали е печено тестото.
– Печениот бисквит оставете да се излади, превртете го од опачина и исечете го на 3 дела по должина.
– Додека се пече тестото преминете на подготовка на кремот. Крупно исецкајте ги претходно испечените лешници. Сите состојки ставете ги во еден сад и изматете ги со миксер.
– Почнете со редење на тортата. Ставете едно тесто на чинија за сервирање и премачкајте го со кремот. Одозгора ставете го второто тесто и исто премачкајте го кремот. Истото направете го и со третата кора.
– Тортата украсете ја по желба. Може да ја украсите со чоколаден шлаг крем.