Потребно е:
за кората:
200 мл минерална газирана вода
8 лажици брашно
2 лажичиња прашок за пециво
4 лажици ајвар
1/2 лажиче сол
за филот:
мајонез
кашкавал
2-3 кисели краставички
Подготовка:
– Во еден сад ставете ги сите состојки за кората и измешајте ги со лажица да се спојат сите состојки.
– Смесата сипете ја во правоаголна тава од рерна обложена со хартија за печење и ставете да се пече во загреана рерна на 200 целзиусови степени 15-20 минути. Проверете со чепкалка за заби дали е печена кората.
– Печената кора извадете ја од тавата и заедно со хартијата завиткајте ја како ролат во влажна крпа.
– По 6-7 минути одвиткајте ја, внимателно извадете ја хартијата и премачкајте ја со мајонез. Потоа над мајонезот изрендајте ги кашкавалот и киселите краставички. Повторно завиткајте ја кората како ролат.
– Готовиот ролат одозгора премачкајте го со мајонез и посипете со изрендан кашкавал.