Револт во Македонски пошти од вработените кога дознале дека празнично директорите на подружниците низ Македонија си се наградиле со по 50.000 денари.
За раководителите на подружниците поскромно, нивната награда е околу 20.000 денари.
Вработените од кои и ја добивме информацијата, навредени и гневни за A1он велат
„Пратките, бидејќи директорите не ги разнесуваат биле доставувани преку голуби, а директорите како навигатори се наградени“.
Меѓу наградените, велат, нема ниту поштари, ниту шалтерски работници ниту други извршители.
Од секторот за односи со јавност не знаеа да одговорат дали директорите и раководителите си се наградиле пред празниците.
– Не сум сигурна дали се наградиле, но мислам дека информацијата не ви е точна, рече за А1он вработена во секторот за односи со јавноста која не упати да се јавиме во секторот за маркетинг, каде не одговорија на нашите повици.
Александар Тодески