Првото новороденче во 2017 година во струшката болница е момче.
Бебето, како што информираат од Болницата, родено е во 7 часот и 25 минути со царски рез. Тешко е 3.680 грама и е прво дете на стружанката Нермина Бајрамоска – Рустемоска.
Во 13 часот и 5 минути во струшката болница на свет дојде уште едно машко бебе од Дебар.
Новогодишната ноќ во Струга поминала без инциденти. Брзата помош немала никакви интервенции, а немало нарушување ни на јавниот ред и мир.
– Мирна и безбедна беше новогодишната ноќ во Струга. Во градот и околните неселени места не се регистрирани нарушувања на јавниот ред и мир, немаше сообраќајна незгода, ниту друг безбедносен настан, изјави портпаролот на СВР Охрид Стефан Димоски.