На градскиот плоштад во Куманово, денеска се одржа Новогодишна манифестација посветена за најмалите во организација на општина Куманово.
Настапија балетски студија од градот кои со песни го пречекаа Дедо Мраз и му ги кажаа своите желби за здравје, успех во учењето, пакетчиња, играчки, домашни миленици.. Со своја програма се претставија и корисници на услугите на двата Деневни центра за лица со попреченост и детскиот градски хор.
Пред присутните се обрати градоначалникот на општина Куманово Зоран Дамјановски, кој им посака здравје и благосостојба на најмладите сограѓани.
Новогодишниот музички хепенинг продолжува во попладневните часови со настап на фолк групи, а во вечерните часови на локални поп, рок и хип хоп групи.