Вкусен леб со маслинки и пиво …
Потребно е:
600 гр бело пченично прашно
400 гр пченкарно брашно
1 лажиче сол
300 мл пиво
250 гр посен маргарин
1,5 кесичка прашок за пециво
малку оригано
100 гр сецкани маслинки
Подготовка:
– Во еден сад измешајте ги брашната со солта и прашокот за пециво. Потоа додадете ги пивото и омекнатиот маргарин. Замесете тесто.
– Тестото ставете го на набрашнета работна површина, со раце истенчете го и посипете со оригано и сецкани маслинки.
– Повторно измесете го и обликувајте го во форма на леб. Со нож направете неколку засеци на површината.
– Ставете да се пече во загреана рерна на 220 целзиусови степени околу 45 минути.
– Во текот на печењето лебот од време на време прскајте го со пиво.