Лично сум фрапиран и изненаден од тоа колку незаконски докази беа предложени од страна на СЈО. Дури мислам дека не е можно да не се знае дека такви докази неможе да се предлагаат во процедуарта без законска основа, резултат на тоа беше наше побивање на тие докази и донесување на одлука од страна на судот дека тие докази не се дозволени во постапката, рече бранителот на Никола Груевски и другите обвинети во случајот, Никола Додевски.
Тој истакна дека понатаму во процесот следува процедурата согласно законот закажување на главното рочиште каде доказите кои што се дозволени од страна на судот ќе бидат предмет на анализа, побивање и утврдување на фактите.
Обвинителката Фетаи покрај незаконските снимки, како дополнителен доказ во овој случај предложи и загрозен сведок. На ова, адвокатот Додевски изјави дека согласно законот за заштита на сведоци загрозениот сведок ќе сведочи само доколку се работи за најтежок облик на кривично дело или доколку не постојат други докази. Исто така тој посочи дека нема пресуда која може да се заснова само на загрозен сведок.
Додевски додаде дека одбраната има повеќе докази кои ќе покажат дека се работи за неосновано и конструирано обвинение.