Ние сме во многу тежок период кој ја става пред тест нашата способност да се справиме со предизвиците – економијата, безбедноста и миграцијаа, изјави грчкиот премиер Алексис Ципрас по денешната средба во Берлин со германската канцеларка Ангела Меркел.
– Мора да има доверба, соработка и почитување меѓу партнерите. Нашата заедничка цел е надминување на кризите и нова визија за Европа. Нашата заедничка закана е подемот на екстремната десница во Европа, рече Ципрас и додаде дека Грција нема да дозволи да се доведува во прашање нејзиниот суверенитет.
Меркел, пак, истакна дека Грција е исклучително оптоварена и оти Германија поддржува фер распределба на бегалците во ЕУ.
– Не можеме да ја напуштиме Грција, рече Меркел, додавајќи дека двете земји имаат тесна соработка во врска со прашањето на договорот меѓу ЕУ и Турција.
– Активирањето на НАТО во Егејското Море е добра мерка која може да се справи со шверцот на луѓе, додаде таа.