Членови на ВМРО-ДПМНЕ и вечерва вршат притисок врз работата на Државната изборна комисија, со протести под канцелариите на комисијата. Пред ДИК има и кордони полиција, а поставени се и метални рампи.
Државната изборна комисија досега одби седум приговори на БЕСА, а за еден приговор одлучи да побара вештачење на графолог. Протестот почна токму после оваа одлука, но и во текот на одлучувањето по осумте приговори на Коалицијата предводена од СДСМ.
