Едноставен рецепт а овие меки и многу вкусни мафини …
Потребно е:
250 гр пире од компири
2 јајца (одвоите 1 лажица за премачкување)
30 гр путер
20 гр изрендан пармезан
80 гр брашно
1/2 прашок за пециво
1 лажица сецкан магдонос
1/2 лажиче сол
1/2 лажиче мелен црн бибер
за филот:
70 гр крем сирење
прстофат сол
малку бибер
1 лажиче сецкан власец
за премачкување:
јајце
сусам, за посипување
Подготовка:
– Калапот за мафини премачкајте го со растопен путер и оставете да се излади и да се стегне.
– Пирето од компири, претходно направено измешајте го со јајцата, сол, бибер, тенко исечен путер, рендан пармезан и магдонос. На крај додадете го и брашното измешано со прашокот за пециво и убаво измешајте.
– Измешајте ги крем сирењето, солта, биберот и сецканиот власец.
– 2/3 од тестото распоредете во калапите. Со лажица направите вдлабнување во тестото и ставете по 1 лажиче од филот. Потоа одозгора нанесете го остатокот од тестото и израмнете.
– Премачкајте со разматено јајце и посипете со сусам.
– Ставете да се пече во загреана рерна на 200 целзиусови степни 30-35 минути.