Десетина симпатизери на ВМРО-ДПМНЕ вечерва се собраа пред седиштето на Државната изборна комисија,откако ДИК најави дека во 21 часот ќе одржи прес-конференција на која треба да ги соопшти конечните изборни резултати.
Полицијата го блокираше главниот влез во ДИК. Новинарите се пренасочуваат од спореден влез. Комисијата ја обезбедуваат и десетици полицајци. Пред неколку часа, токму Влатко Ѓорчев од ВМРО-ДПМНЕ апелирашедо ДИК да се почитува волјата на граѓаните.
– Мандатот му припаѓа на Никола Груевски, СДСМ треба да ни ја честита победата. Македонија треба да излезе од кризата, да се верифицираат мандатите, да се состави влада, да се посветиме на Македонија, економија, граѓаните, евроатланската интеграција. Граѓаните очекуваат проекти а не сплетки – заклучи Ѓорчев.