Конечните резултати и симулацијата на освени пратенички мандати се очекува Државната изборна комисија да ги објави најдоцна до 19 часот. Портпаролката на ДИК Љупка Гугутчевска вели дека во моментов се врши примопредавање на материјали и оригинални записници од општинските изборни комисии на ДИК по што треба да ги верификува.
Во просториите на комисијата се уште има претставници на комисиите кои чекаат да го предадат доверливиот материјал. Рокот за приговори е 48 часа по објавувањето на првичните резултати, односно од објавувањето на последната прес конференција која беше оддржана во 3 часот по полноќ.
Според досегашните објавени резултати, бројчаникот на ДИК застана на 99,7 проценти од 3.514 од вкупно 3.524 избирачки места.
Од ДИК истакнаа дека во Клубот на Пратеници се примаат сите изборни материјали од Општинските изборни комисии и дека тој објект ќе биде под полициска заштита се додека не заврши целосното примопредавање на материјалите.
