Според податоците на Државната изборна комисија до 01:20 часот од преброени 1.089.315 гласови односно од 92,48 отсто гласови, ВМРО-ДПМНЕ и Коалицијата „За подобра Македонија“ освоиле 409.937 гласови, а СДСМ и Коалицијата „За живот во Македонија“ 390.766 гласови.
ДУИ освоиле 79.003 гласови, БЕСА 52.488, Алијанса за Албанците 32.923, ДПА 28.695, „ВМРО за Македонија“ 22.086, Левица 10.203, Коалиција за промени и правда – Трет блок 8.961, Либералната партија 3.366 и ПДП 1.034 гласови.
ДИК сукцесивно ги објавува податоците испратени електронски од општинските изборни комисии.
Иако се најавуваше дека ДИК ќе одржи прес-конференција околу полноќ, таа е одложена за подоцна.