Малолетник, пред трговскиот центар “Бисер“ во Аеродром ја дели изборната програма на ВМРО-ДПМНЕ.
Со портокалов шал на ВМРО-ДПМНЕ, и на ладното време детето им ги делеше пропагандните изборни материјали на партијата на минувачите. Ваквото инволвирање во изборите е злоупотреба на малолетниците и е законски забрането.
Законот за заштита на децата во членот 9 забранува злоупотреба на деца поради политичко или верско организирање или дејствување. Според истиот закон за истото дело се предвидува парична глоба.