Државната изборна комисија информира дека во текот на денот имале одредени технички проблеми со апликацијата за проверка на граѓаните во Избирачкиот список.
– Апликацијата за проверка на податоците во Избирачкиот список за граѓаните кои ќе гласаат во избирачките места на територијата на Република Македонија веќе е функционална и достапна, соопшти ДИК.
Од ДИК најавуваат дека во текот на утрешниот ден ќе биде достапна и апликацијата за проверка на податоците во Избирачкиот список за лицата кои ќе гласаат во дипломатско-конзуларните претставништва и конзуларните канцеларии во странство.
– Техничките проблеми немаат никакви последици ниту влијание врз Избирачкиот список, организацијата, како и врз спроведувањето на претстојното гласање за избор на пратеници во Собранието на Република Македонија, стои во соопштението од ДИК.
