Министерот за образование и наука Пиштар Лутфиу денеска изјави дека неговата партија, Демократската унија за интеграција, со отворањето на новиот Универзитет „Мајка Тереза“ ги остварува ветувањата што им ги дала на своите гласачи.
– Универзитет „Мајка Тереза” во Скопје работи со пет факултети, главно технички, осигурувајќи 84 работни места за академскиот кадар и Ректорат кој се наоѓа во центарот на градот, со сите потребни услови за функционирање на Универзитетот. Денес ветуваме дека политиките на ДИУ на чело со Али Ахмети го продолжуваат патот на спроведувањето на овој гигантен и историски проект за сите Албанци во Македонија. ДУИ ги презема сите мерки од страна на Министерството за образование да донесе зголемување на буџетот за капитални инвестиции од година во година, рече Лутфиу.
Информираше дека за објектот на Универзитетот „Мајка Тереза” е обезбеден детален урбанистички план, а се подготвува и концепт и план на Универзитетот врз чија основа, како што рече, МОН ќе го објави јавниот повик за избор, за следната година да почне изградба на универзитетскиот кампус во Скопје.