Германските пратеници денеска ги одобрија со големо мнозинство мерките, усвоени од еврозоната на почетокот на неделата за спас на Грција од банкрот.
Вкупно 473 пратеници во Бундестагот, долниот дом на Парламентот, гласаа во поддршка на оваа помош, сто беа против, а 11 воздржани.
Ова мнозинство не изненадува, откако опозициските партии, социјалдемократите од Германската социјалдемократска партија и Зелените објавија пред денешната седница дека ќе гласаат „за“ заедно со владејачката коалиција на канцеларот Ангела Меркел.