Македонското дерби Вардар – Металург во ракометната СЕХА лига доаѓа во незгодно време за „металурзи“, бидејќи тие дури вчера вечер се вратија од тешкото гостување во Норвешка.
Пред денешното соочување лидерот во СЕХА, тренерот Лино Червар го потенцираше заморот од долгиот пат од Норвешка.
– Натпреварот со Вардар доаѓа во незгоден момент за нас, бидејќи пред само еден ден имавме тешка гостинска средба со екипата на Елверум, па моите ракометари во голема мера се уморни. Сепак, овој дуел има големо минато и секогаш е интересен за љубителите на ракометот во Македонија. Вардар е апсолутен фаворит, а на моите млади ракометари е да се претстават во најдобро можно светло, изјави Червар.
Натпреварот ќе се игра во СЦ „Јане Сандански“ со почеток во 17 часот и 45 минути.