Уште кога ќе го видите ќе знаете дека е божествен …
Потребно е:
за бисквитното тесто:
10 јајца
180 гр шеќер
200 гр мелени ореви или лешници
200 гр чоколадо во прав
1 прашок за пециво
за кремот:
500 мл слатка павлака
200 гр чоколадо за готвење
Подготовка:
– Прво подгответе го бисквитното тесто. Во еден сад пенесто изматете ги јајцата и шеќерот.
– Во друг сад измешајте ги мелените ореви или лешници, чоколадото во прав и прашокот за пециво. Оваа смеса додадете ја кај јацата и повторно изматете.
– Смесата сипете ја во тава обложена со хартија за печење и ставете да се пече во загреана рерна на 180 целзиусови степени околу 20-25 минути.
– Додека се пече тестото подгответе го кремот. Растопете го чоколадото со слатката павлака на тивко со постојано мешање. Внимавајте не смее да почне да врие.
– Уште топлиот бисквит избоцкајте го со вилушка на повеќе места. Посипете го со топлиот крем. Оставете да се излади на собна температура.
– Исечете го на коцки и послужете.