Вкусни, сочни и ароматични тестенини …
Потребно е:
1 главица кромид
4 лажици путер
200 гр шампињони
2 лажичиња сос од соја
80 мл шери бренди
80 гр брашно
2 чаши (од 200 мл) пилешка супа
1 чаша млеко
2 лажичиња сок од лимон
1 прстофат сол
170 гр туна во масло, од конзерва
200 гр тестенини, со јајца
3 кришки бел леб
1 чаша чедар кашкавал
1 лажица масло
Подготовка:
– Рерната загрејте ја на 200 целзиусови степени. Подлабока огноотпорна тава убаво намастете ја со путер.
– Во тава на рингла на 1,5 лажица масло и малку сол пропржете го ситно сецканиот кромид околу 5 минути со повремено мешање.
– Зголемете ја температурата на ринглата и во тавата додадете ги сецканите шампињони. Продолжете со динстањето со повремено мешање додека да пуштат течност, околу 2 минути.
– Додадете го соја сосот и продолжете со динстањето додека да испари течноста што ќе ја пуштат печурките.
– Додадете го шерито и динстајте додека да испари. Тргнете ја тавата од рингла.
– Во друга тава на рингла на преостанатите 3 лажици путер на тивко пропржете го брашното некаде околу 3 минути со постојано мешање.
– Постепено сипете ја пилешката супа со постојано мешање и загрејте ја до вриење.
– Сипете го млекото и повторно загрејте до вриење. Варете 5 минути со повремено мешање.
– Додадете ја смесата со шампињони, сок од лимон и сол.
– Туната иситнете ја на помали парчиња и додадете ја во сосот. Зачинете со сол и бибер.
– Сварете ги тестенините (макарони или фусили) според упатството на пакувањето. Исцедете ги и вратете ги во садот во кои се вареа.
– Преку тестенините прелијте го сосот и внимателно промешајте. Сипете ја содржината во огноотпорната тава за печење.
– Во еден сад измешајте ги издробената средина на кришките леб и изренданиот кашкавал. Попрскајте со маслиново масло, измешајте и посипете над тестенините во тавата.
– Ставете ги да се печат во загреана рерна, 20-30 минути додека да добијат убава крцкава кора.