Две куќи изгореа во населбата Месокастро, во стариот дел на Охрид. Едната куќа изгоре целосно, другата до половина.
Луѓето кои живеа во куќите веднаш беа однесени со брза помош, а поради густиот чад лекарска интервенција побарале и уште неколкумина.
Според кажувањата на жителите огнот кој бил во едната куќа набргу се проширил на соседниот објект. Откако слушнале повици за помош, била повикана противпожарната служба која дошла за кратко време и почнала да го гасне пожарот.
Според првичните информации на противпожарните служби причина за пожарот е затнат оџак.
