„Основното јавно обивнителство експресно, за помалку од 48 часа, му поднесе кривична пријава на градоначалникот на општина Центар, Андреј Жерновски. До Обвинителството поднесена е кривична пријава со која се товари Жерновски за кривично дело злоупотреба на службената положба и овластување и за неизвршување на судска одлука.
Пријавата е изготвена на 2.11.2016 година, во истиот ден кога се уриваше дивогрдбата на претседателот на Кривичниот суд, Владимир Панчевски. За да биде иронијата поголема, се работи за случај од 2011 година, кој тогашниот градоначалник на општина Центар, Владимир Тодоровиќ, го одбил како неоснован и со тоа постапката прекинала. Ова се случило непосредно пред доаѓањето на Жерновски на позицијата градоначалник во 2013 година.
После повеќе од три години и за целосно правно неоснован предмет, обвинителството олучува да поднесе кривична пријава. Дека станува збор за политички мотивиран процес, говори податокот дека тужител во овој предмет е братучед на градоначалник од соседна скопска општина, од редовите на ВМРО ДПМНЕ.
За Жерновски и општина Центар, овој предмет е повеќе од чист и не постои никаков основ за кривично гонење. Целта на оваа одмазда е конечно предметот да стигне во Основен суд Скопје 1, односно во рацете на Владимир Панчевски. Дополнителен мотив за оваа одмазда кај Панчевски и обвинителството е најавената кривична пријава од страна на општина Центар за дивоградба против тројцата инвеститори, меѓу кои и Панчевски, што претставува кривично дело.
Спред Кривичниот законик, за кривично дело „Дивоградба“ предвидена е затворска казна од 3 до 8 години“, се вели во соопштението на Општина Центар.