Жерновски: Фон дер Лајен му ја зеде лагата на Мицкоски за идентитетот – сега намерно разгорува тензии пред средбата во Бугарија

Од:

СДСМ оцени дека премиерот Христијан Мицкоски со своите ставови за односите со Бугарија создава атмосфера што може да ја отежне претстојната средба во Софија и да го забави европскиот пат на земјата.

На денешната прес-конференција, членот на Извршниот одбор на СДСМ, Андреј Жерновски, се осврна на неодамнешната посета на претседателката на Европската комисија, Урсула фон дер Лајен, на Скопје, оценувајќи дека со нејзините изјави биле потврдени македонскиот јазик, култура и идентитет.

„Фон дер Лајен потврди дека се зачувани македонскиот јазик, македонската култура и македонскиот идентитет“, рече Жерновски.

Според него, во фокусот сега се реформите, соработката со Европското обвинителство и уставните измени, а не нови услови или нова преговарачка рамка.

Жерновски оцени дека Владата наместо да се фокусира на иднината и европската интеграција, повторно ја отвора темата за минатото и односите со Бугарија.

„Уште пред да се случи средбата, гледаме стратегија на поткопување на таа средба. Премиерот Мицкоски сега нè тера да размислуваме и да зборуваме само за она што се случувало во минатото, наместо да гледаме напред“, рече тој.

Од СДСМ велат дека добрососедските односи се важен дел од европскиот процес и дека политичките пораки пред средбата во Софија треба да придонесуваат за дијалог, а не за зголемување на тензиите.

Жерновски посочи дека СДСМ не ја оспорува историјата, но смета дека со историските прашања треба да се занимаваат историчарите, додека Владата треба да се фокусира на реформите и европската интеграција.

Тој оцени и дека повторното отворање на темата за Бугарија може да послужи како оправдување за евентуалниот застој на европскиот пат.

„Она што сега ќе следи во овој период е повторно иницирање и разгорување на темата Бугарија, злоупотреба на историјата за да се најде ново оправдување за неуспехот којшто го имаме пред нас и зошто оваа Влада не може да направи исчекор кон Брисел“, рече Жерновски.

Тој додаде дека СДСМ ќе продолжи да ја критикува владината политика и да се залага земјата да напредува кон Европската Унија.

Би можело да ве интересира

За закана кон Мицкоски притвор, за претепувањето на Сара не – Левица обвинува за селективност на институциите

Катерина Ѓуровски

СДСМ: Тепачот на Сара, насилникот од Охрид бил пуштен на слобода поради врски со ВМРО – ДПМНЕ

СДСМ: Партиските редови денес се почисти, а ЗНАМ се фали со своите нови платеници

А1он

СДСМ: Според ММФ, Македонија е меѓу последните европски економии според БДП по жител

Горан Наумовски

(ВИДЕО) Филипче: Македонија на дното, 41 место во Европа – ММФ ги разби бајките на Мицкоски за трета економија

Горан Наумовски

ВМРО-ДПМНЕ: СДС е спотер, а сватот на Али Ахмети акционер