Кралица меѓу тортите …
Потребно е:
за бисквитното тесто:
150 гр лешници
6 белки
6 лажици шеќер
6 лажици брашно
за кремот:
6 жолчки
100 гр шеќер
2 пудинга од ванила
2 лажици брашно
1 л млеко
1 ванилин шеќер
250 гр путер
100 гр шеќер во прав
и уште:
200 гр чоколаден крем (Нутела)
околу 150 гр бисквити (Petit Beure)
100 гр чоколадо за готвење
1 кесичка шлаг пена
Подготовка:
– Испечете ги лешниците во рерна да потемнат малку. Оставете да се изладат и истријте ги низ раце за да им падне лушпата. Ставете го во кујнска крпа и истолчете ги со чук за месо, но така да останат и покрупни парчиња.
– Почнете со подготовка на бисквитното тесто. Со миксер изматете ги белките во густ шлаг. Додадете го шеќерот и на крај сипете го и брашното и изматете со најспората брзина на миксерот.
– Калапот за торта со дијаметар од 26 см премачкајте го убаво со путер, посипете со малку брашно и на дното ставете хартија за печење.
– На хартијата распоредете ги печените лешници и на нив внимателно распоредете ја смесата со белки.
– Ставете да се пече во загреана рерна на 180 целзиусови степени околу 10 минути, додека да добие малку боја. Оставете да се излади.
– Изладениот бисквит превртете го на чинија за сервирање, така да бисквитното тесто биде од доле, а лешниците да бидат горе. Внимателно отстранете ја хартијата. Вратете го обрачот од калапот околу тестото.
– За кремот ставете да се вари 800 мл млеко со ванилин шеќер. Изматете ги жолчките со шеќерот. Додадете ги пундинзите од ванила, 2 лажици брашно и 200 мл млеко и варете со постојано мешање додека да се згусне. Оставете да се излади со повремено мешање за да не се фати кора.
– Изматете го путерот со шеќерот во прав. Ова додадете го во изладениот крем.
– Чоколадото растопете го на пареа, оставете малку да се излади и додадете го во половина од кремот. Вториот дел од кремот треба да остане жолт.
– Чоколадниот крем (Нутела) малку загрејте го и внимателно намачкајте го на лешниците.
– Бисквитите издробете ги на неправилни парчиња (1 бисквит на 4-5 парчиња) и наредете ги над чоколадниот крем. Потрошете онолку бисквити колку се потребни да ја покриете целата површина.
– Сега над бисквитите ставете го жолтиот крем, па потоа втората половина од кремот во кој го додадовте чоколадото.
– Тортата ставете ја во фрижидер преку ноќ. Утредента извадете го обрачот и премачкајте ја со изматениот шлаг и украсете по желба, може со сецкани лешници.