Нашиот избор за денешниот ручек …
Потребно е:
1 главица кромид
3 лажици масло
50 мл вода
2-3 чешниња лук
1 морков
30 гр чадена панцета
500 гр телешки шницли
мелен сув зачин
бибер
1 ловоров лист
неколку листови жалфија
прстофат оригано и босилек
1 лажица џем од сливи
100 мл вода
100 мл црно вино
200 мл пасирани домати
2 лажици пире од домати
1 лажица сецкан свеж магдонос
прстофат морско оревче во прав
за њоките од леб:
150 гр стар црн леб со семки
30 гр путер
2 јајца
200-300 мл млеко
1/2 лажиче сол
100 гр брашно
1 лажица сецкан свеж магдонос
Подготовка:
– На загреано масло пропржете го сецканиот кромид, сипете вода, додадете го сецканиот лук, морковот исецкан на тркалца и панцетата исецкана на коцки.
– Кратко динстајте додека панцетата да пушти мирис, а потоа додадете ги шницлите кои претходно сте ги истолчиле со дрвен чук и зголемете ја температурата. Кога ќе поруменат од едната страна завртете ги да се испечат и од другата страна.
– Смалете ја температурата, зачинете по желба со сол, бибер, ловоров лист, листви жалфија, оригано, босилек и џем од сливи. Сипете вода и вино и оставете да се вари 30 минути поклопено со капак.
– Додадете ги псираните домати и пирето од домати и варете уште 35 минути.
– Преминете на подготовка на њоките. Кришките леб исецкајте ги на коцкички и кратко испржете ги на путер.
– Тргнете ја тавата на страна и лебот прелијте го со разматени јајца со млеко. Оставете да стои 10-тина минути.
– Посолете, додадете го брашното и сецканиот магдонос. Убаво измешајте и со влажни раце обликувајте ги њоките. Од оваа смеса ќе добиете 14 њоки.
– Ставете ги да се варат во посолена вода што врие додека не испливаат на површината и продолжете да ги варите уште 8-10 минути. Сварените њоки извадете ги со решеткаста лажица од водата.
– Телешките шницли во сос послужете ги со прилог од њоки од леб. Посипете ги со сецкан свеж магдоноси прстофат морско оревче во прав.