Малку поинаку подготвени печени компири …
Потребно е:
400-500 гр компири
масло
мелен сув зачин
50 гр сланина
2 млади кромидчиња
50 гр сирење
50 гр изрендан трапист кашкавал
1 јајце
1 лажица сецкан свеж магдонос
Подготовка:
– Компирите излупете ги и исечете ги на плочки со дебелина околу 6-7 мм. Наредете ги во тава обложена со хартија за печење, испрскајте ги со масло и зачинете со мелен сув зачин. Ставете да се печат во загреана рерна на 200 целзиусови степени околу 25 минути.
– Додека се печат компирите подгответе го филот. Во еден сад ставете ги исецканата на коцки сланина, сецканиот млад кромид, сирењето, ренданиот кашкавал, магдоносот и изматеното јајце. Измешајте убаво.
– Извадете ги компирите од рерна и превртете ги од другата страна.
– Распоредете го филот на компирите и повторно вратете ги во рерна да се допечат уште 15-тина минути.
– Послужете ги топли.