Претседателството за раководство со кризи и итни случаи (АФАД) при Владата на Република Турција испрати донација од 500 машини за перење и 500 кујнски сета за настраданите од поплавите, што на 6 и 7 август годинава го зафатија Скопје и околината.
Како што информира Амбасадата на Република Турција, повеќе турски институции веќе испратија и продолжува испраќањето на хуманитарна помош.
На врачувањето на донацијата, во просториите на СИНТЕК во Скопје, ќе присуствуваат помошникот претседател на АФАД Хамза Ташделен, претставик од општина Чаир и главниот советник за трговија при Амбасадата.