Идеја како да го искористите стариот леб …
Потребно е:
1 бајат леб
100 гр путер
1 лажица масло
200 гр сланина
5 јајца
200 мл млеко
100 мл масло
1/3 лажиче сол
200 гр кашкавал
Подготовка:
– Кришките леб исечете ги на коцки. Распоредете ги на дното на тава и одозгора испрскајте ги со растопениот путер. Тавата ставете ја во загреана рерна на 200 целзиусови степени околу 10-15 минути.
– Додека се пече лебот подгответе ги останатите состојки. Сланината исецкајте ја на коцкички и пропржете ја на малку масло. Испржената сланина ставете ја на кујнска хартија и оставете да се впие вишокот маснотија.
– Изматете ги јајцата и додадете сол, бибер и млеко.
– Во една подлабока тава (со дијаметер од 26 см) ставете 2/3 од испечениот леб. Над него распоредете 2/3 од испржената сланина. Одозгора прелијте со половина од подготвениот прелив и посипете со половина од изренданиот кашкавал.
– Сега распоредете го преостанатиот леб и прелијте со остатокот од преливот. Додадете ја преостанатата сланина и повторно посипете со кашкавал.
– Ставете да се пече во загреана рерна на 200 целзиусови степени 20-25 минути.