Интересно полнење на пиперки …
Потребно е:
8 средно големи црвени пиперки
150 гр кус-кус
100 гр урми без семки
50 гр путер
2 чешниња лук
прстофат шафран
350 мл супа од зеленчук
1/4 лажиче цимет во прав
1 мала главица кромид
120 гр печени несолени бадеми
за лутиот прелив од бадеми:
250 гр грчки јогурт
сок од 1/2 лимон
1/2 лажиче слатка мелена црвена пиперка
1/2 лажиче лута мелена црвена пиперка
1/4 лажиче мелена кајенска пиперка
Подготовка:
– Црвените пиперки исечете ги по должина по средината и малку околу рачките. Исчистете ги од семките.
– Во поголемо тенчере ставете вода и ставете го да се вари. Кога ќе почне да врие водата, малку посолете и ставете ги пиперките да се варат на кратко, околу 2 минути. Извадете ги со решеткаста лажица и ставете ги во ладна вода. Исцедете ги и оставете ги на страна.
– Во чинија ставете ги кус-кусот, ситно сецканите урми, путерот, стиснатиот лук и шафранот. Сипете ја врелата зеленчукова супа, промешајте со вилушка, поклопете го садот и оставете да стои 30-тина минути.
– Со вилушка растресете го кус-кусот, додадете ги циметот, ситно сецканиот кромид и ситно сецканите бадеми. Зачинете по вкус и измешајте.
– Со горната смеса наполнете ги пиперките и затворете ги со чепкалки за заби.
– Одозгора искапете ги со малку маслиново масло. Ставете да се пржат на загреана тава, на средна температура, околу 10 минути.
– За преливот помешајте ги сите состојки и зачинете со сол и бибер по вкус.
– Тргнете ги чепкалките за заби од пиперките, секоја внимателно отворете ја и внимателно со вилушка растресете го полнењето.
– Ова јадење послужете го топло со лутиот прелив од јогурт.