Турскиот амбасадор во Берлин Хусеин Авни Карсиоглу денеска во германското МНР се сретнал со заменикот министер Маркус Едер, што во германските медиуми се толкува како „значаен чекор во нарушените дипломатски односи меѓу Германија и Турција“, пренесува дописникот на МИА од Берлин.
Карсиоглу од Берлин беше повлечен пред 4 месеци, во знак на протест откако Бундестагот ја усвои резолуцијата со која убиствата на Ерменците од Отоманската империја во првата светска војна беа прогласени за геноцид.
Претходно, турските власти по 4 месеци одбивање дозволија делегација на германски пратеници да ги посети војниците на Бундесверот во воената база Инџирлик.