Себастијан Фетел во Ред Бул, ја освои третата последовна шампионска титула во Формула 1, по многуте возбудувања што се случија на последната трка од годинешниот шампионат во Бразил.
Фетел со својта трета титула по ред се најде во друштво на Шумахер и Фанџо, единтвените кои имаат по три или повеќе титули во низа.
Тој го освои шестото место, што беше сосема доволно за да ја одбрани титулата, со вкупно 281 бодови, три повеќе од Фернандо Алонсо, кој се пласираше на втората позиција, не можејќи да го стигне Џенсон Батон, кој се искачи на највисокото место на подиумот на последната трка.
Беше неверојатно возбудливо во Бразил уште од самиот почеток. Во првиот круг, Фетел можеше да ја заврши трката откако имаше судир со Бруно Сена, но со многу среќа остана на патеката и продолжи да вози.
Временските услови неколкупати се менуваа, дождот ги примора возачите неколкупати да менуваат пневматици, но на крајот, во последните десетина круга беше јасно дека Себастијан Фетел сепак ќе го одбрани трофејот и ќе ја освои третата шампионска титула во кариерата.
Ова беше и последна Формула 1 трка за легендарниот Михаел Шумахер, кој прв му честиташе на Фетел по завршувањето на трката.