Во Сараево вчера се одржа протестна прошетка во знак на поддршка на народот во Палестина.
Стотици млади граѓани на Сараево, се собрале на протест пред Беговата џамија, а потоа се упатиле кон Споменикот на убиените деца во Сараево.
Учесниците на протестот носеле транспаренти со натписи „Газа е еднакво на Сараево“, „Слобода за Палестина“, „Стоп на убивањето деца“ и други пораки со солидарност за народот на Газа и другите палестински градови.
Организаторот на протестот, Здружението на граѓани Фронт, објави дека целта на собирот била да му се покаже на народот во Палестина дека не е сам.