Дали ќе се стави клуч на весникот„Ден“?
Сериозните проблеми со кои се соочува весникот подолг период, кулминираа. Поради неисплатени хонорари на дел од новинарите и техничките лица, утрешното викенд издание нема да излезе, а доколку не бидат исплатени за сработеното, нема да го подготват ни изданието за понеделник.
Во август месец, почна кризата, откако тогашниот сопственик и основач на „Ден“, Живко Серафимовски го продаде весникот на засега непознато лице, кое го смени уредувачкиот тим.
Дел од новинарите, револтирани бидејќи не им беше јасно кажана судбината и иднината на весникот, како и тоа дека не им е гарантирана висината на платата , го напуштија весникот. Револтирани беа и зошто работниот однос требаше да им се замени со хонорарен.