„Локалната власт од ВМРО-ДПМНЕ, на чело со градоначалникот, Илчо Захариев, е неспособна да изврши ниту санација на улиците како што треба, иако троши пари на граѓаните.
По минатонеделните врнежи, дел од асфалтот на улицата „Сремски фронт“ е целосно уништен.
Оваа улица беше реконструирана и пуштена во употреба пред точно една година и за истата беа потрошени 4,4 милиони денари, пари на граѓаните“, рече Јане Миланов, советник од СДСМ и коалициските партнери
Штип.
„По бројните реакции на граѓани и во обид да го прекријат несовесното работење, локалните власти на чело со Захариев испратија екипи со цел да го обноват асфалтот, трошејќи за тоа повторно народни пари.
За повторната реконструкција се потрошени нови 320.000 денари пари на граѓаните.
Ист е случајот и со улицата „Вардарска“, којашто, исто така, беше оштетена од наносите на атмосферските води само една недела по пуштањето во употреба, во јуни годинава.
Неспособноста на ВМРО-ДПМНЕ ги чини граѓаните пари, но ја загрозува и нивната безбедност. Очигледно ВМРО-ДПМНЕ се грижи единствено за бизнис тендерите и личните интереси.
Затоа на Штип му се потребни промени.
Новата и одговорна власт предводена од СДСМ ќе се грижи за граѓаните и нивните потреби во секојдневниот живот. Парите на граѓаните ќе се трошат рационално и за решавање на нивните суштински проблеми“, изјави Миланов.