Ноќеска изгоре викендичка во викенд населбата Моклиште кај Кавадарци. Информацијата ја потврди кавадаречката територијална противпожарна единица. Пожарот избил околу полноќ. Околу три часа се справувале со огнот.
– Интервениравме со две противпожарни возила и тројца пожарникари, а на помош ни дојдоа и едно возило со тројца пожарникари од компанијата „Кожувчанка”. Се работи за тешко пристапен терен, угорнина, па моравме линијата за гаснење да ја поставуваме преку река и на оддалеченост од околу двеста метри, информираат утрово од Теритиријалната противпожарна единица.
Се утврдуваат причините за пожарот и материјалната штета.