На повик на Здружението на новинарите на Македонија (ЗНМ) се одржува мирен протест пред Основниот суд Скопје 1 за поддршка на новинарот Зоран Божиновски кој е во притвор.
-Нема дилема дека Божиновски стана предмет на кривичен прогон поради неговата работа како новинар и поради неговите објавени злоупотреби за власта. Тој е обвинет за тешки кривични дела затоа што власта преку злоупотреба на законите и на институциите сака да ги затскрие вистинските намери, да замолчи еден новинар, да ги дисциплинира и да ги заплашува другите и да спречи јавноста да ја дознае вистината за начинот на нејзиното владеење“, велат од ЗНМ.
Протестот се одржува истовремено со судскиот процес против Божиновски, кој се товари за шпионажа, злосторничко здружување и за уцена.
„Со ваквите судски процеси, власта се обидува да ги дискредитира и да ги девалвира сите новинари и сака да го наруши кредибилитетот на новинарската професија. Ваквиот прогон влијае негативно и на слободата на изразувањето и на слободата на медиумите, е ставот на ЗНМ.
