Со едноминутно молчење, пратениците им оддадоа почит на загинатите во поплавите. Седницата е закажана на барање на советничката група на СДСМ и опозициските партии.
Благоја Стојановски од СДСМ, рече дека жртвите не можат да се вратат но може да им се помогне на оние кои трпат невидени штети.
– Денеска состојбата е тешка. Треба реконструкција на домовите која ќе трае со месеци. Сакаме итно, наредната недела да им се даде авансна помош на настраданите за да почнат да ги санираат домовите. Минимум 50 евра по метар квадратен од поплавена површина. Сумата која ја предвиде Владата е многу мала. Помош треба и за оние оние кои се занимаваат со земјоделство, рече Стојановски.
Недозволиво е, посочи, однесувањето на дел од надлежните нституции.
– Некои последици можеа да бидат спречени.Ако атмосферската вода на обиколницата се носеше како што треба, ќе имаше само поплава, но немаше да има жртви. Некој, не морална, туку кривична одговорност треба да понесе. Ова треба да ни биде поука. Клучно е инстуциите дека не функционираат. Постојат на хартија. Целта ни е да им помогнеме на луѓето, но сите кои направиле пропуст да одговараат, рече Стојановски.