Германија денеска соопшти дека преговорите помеѓу Турција и ЕУ ќе завршат доколку турската влада ја врати повторно смртната казна.
-Ние категорично ја отфрламе смртната казна и воведувањето на таква казна ќе означи крај на преговорите за членство во ЕУ, рече портпаролот на германската канцеларка, Штефан Зајберт.
Тој изјави дека ЕУ е “заедница на вредности“ и според тоа воведувањето на смртна казна ќе значи дека таа држава не може да биде членка на ЕУ.
Според него, Германија и останатите земји на ЕУ засега само ја следат внатрешната дебата во Турција за повторно воведување смртна казна, но дека позицијата на Унијата е премногу јасна.